Gabonarti buruzko datu garrantzitsuak

Areatzako Kaiko karpak, berriz ere, sektore bakoitzeko profesional onenak bilduko ditu, bizkaitarren presentzia handiarekin. Bertaratutako 54 lagunetatik 32k Bizkaian dituzte tailerrak, eta horietatik 14 Bilbon bertan daude. Horregatik, hitzordu hau ezinbestekoa da, "Gabonetan egiten dute topo beren publikoarekin, baina Bilboko artisauak beren hirian bertan aurkezten dira, agerian utziz hiriko ekonomiaren parte direla eta ekarpen handia egiten dutela", esan dute Arbasotik, "tokiko ekonomiaren eragile dira".

Datuei dagokienez, Bizkaian 32 artisau egongo dira, Gipuzkoan 5 profesional egongo dira, Kantabriatik 4 enpresa etorriko zaizkigu, Arabatik eta Burgosetik bi, eta gainerako lurraldeetatik, A Coruña, Asturias, Avila, Castellón, Lugo, Murtzia, Pontevedra, Toledo eta Zaragozatik ordezkari bana etorriko zaigu.

Sektoreka, aurten ere ehungintza izango da gremio izarra, 8 sinadurarekin; ondoren, zeramika, bisuteria eta larrua, 6 sinadurarekin. Gertu, bitxigintzan eta egurgintzan aritzen diren artisauak daude, 5 ordezkarirekin. Kosmetika, feltroa, ilustrazioa, jostailugintza eta beira arloetako profesionalak ez dira faltako. Edizio honetan, guztira, 2 enpresa izango dira. Multzo osoa honako gremio hauetako artisau batek osatzen du: kalabaza, zereria, azaleztapena, lore lehorra, makramea, panpinategia, birziklapena eta zeta margotua.

Guztien artean, Areatzako Kaia artisautzaren hiri bilakatuko da, eta ezinbesteko topaketa izango da, bai bilbotarrentzat, bai bisitarientzat, Bizkaiko hiriburuan, elkartasunak eta tokiko kontsumoari buruzko kontzientziak beste dimentsio bat hartzen duten garai zail hauetan.